ریاض: سعودی عرب میں خواتین مرحلہ وار ہر شعبے میں شامل ہورہی ہیں۔
مملکت میں ‘ڈپلومیٹک سیکیورٹی’ کے لیے سعودی خواتین سے درخواستیں طلب کرلی گئیں تاکہ وہ اس شعبے میں بھی اپنا کردار ادا کرسکیں۔
سعودی وزارت داخلہ نے کارپورل گریڈ پر خواتین سے ڈپلومیٹک سیکیورٹی کے لیے درخواستیں طلب کیں۔
خواتین کو مختلف اداروں میں اپنا کردار ادا کرنے کے مواقع دیے جارہے ہیں تاکہ وہ اپنی خدمات سعودی عرب کو فراہم کریں، اس مقصد کا دائرہ وسیع کیا جارہا ہے۔
وزارت داخلہ نے توجہ دلائی ہے کہ درخواستیں آن لائن ابشر روزگار پلیٹ فارم پر پیش کی جائیں گی۔
خیال رہے کہ سعودی حکومت خواتین کو ڈرائیونگ کی اجازت دے چکی ہے، لڑکیاں کھیل کے میدان میں بھی بڑھ چڑھ کر حصہ لے رہی ہیں۔
Comments
- Advertisement -
