لندن: سکھوں کے مقدس ترین مقام گولڈن ٹیمپل پر حملے کے انتالیس برس مکمل ہو گئے ہیں۔
تفصیلات کے مطابق سکھوں کے خلاف آپریشن بلیو اسٹار کے 39 برس مکمل ہو گئے، سکھ فیڈریشن کے زیر اہتمام لندن میں ٹریفلگر اسکوائر پر بھارت کے خلاف آزادی ریلی نکالی گئی، فریڈم ریلی میں سکھوں کی بڑی تعداد شریک ہوئی۔
ریلی میں شرکت کرنے کے لیے لندن کے علاوہ برطانیہ کے دیگر شہروں سے بھی سکھ کمیونٹی بکنگھم پیلس سے ہوتے ہوئے ٹریفلگر اسکوئر پہنچی، شرکا میں خواتین، بچوں اور بوڑھے بڑی تعداد میں شریک تھے۔
سکھ رہنماؤں نے عالمی طاقتوں سے انصاف دلانے کا مطالبہ کیا، ان کا کہنا تھا کہ بھارت نے 1984 میں سکھوں کو بے دردی سے قتلِ عام کیا، برطانیہ سکھوں کو انصٓاف دلائے۔
شرکا نے مختلف پلے کارڈ بھی اٹھا رکھے تھے، جن پرانیس سو چوارسی کے واقعات کے بارے میں تحقیقات کرانے اور بھارت کے خلاف نعرے درج تھے۔
واضح رہے کہ انیس سو چوراسی میں بھارت نے سکھوں پر ظلم کے جو پہاڑ توڑے تھے، اس کے متاثرین آج تک انصاف کے منتظر ہیں، اور سکھ بھارت سے آزادی حاصل کر کے امن کے ساتھ رہنا چاہتے ہیں۔
