کراچی : چیئرمین پیپلزپارٹی بلاول بھٹو زرداری نے تحریکِ احتساب میں شریک لوگوں کے لیے نیک خواہشات کا اظہار کیا ہے۔
چیئرمین پیپلزپارٹی نے سماجی رابطے کی ویب سائٹ پر ٹوئٹ کرتے ہوئے تحریک انصاف کی جانب سے کرپشن کے خلاف شروع کی گئی تحریک احتساب کو سراہا اور اُس میں شریک لوگوں کے لیے نیک تمناؤں کا اظہار کیا۔
بلاول بھٹو زرداری نے مزید کہا کہ ’’ احتجاج جمہوریت کا حسن اور جمہور کا حق بھی ہے، حکومت اپوزیشن کے ٹی او آرز کو تسلیم کرے ورنہ اپنے اندر برداشت کا مادہ پیدا کرے‘‘۔
Good luck to those protesting 4 #Tehreek_e_Ehtesab democratic right to protest should be encouraged not punished. 1/2
— BilawalBhuttoZardari (@BBhuttoZardari) August 7, 2016
انہوں نے مزید کہا کہ ’’پاناما پیپرز دنیا کا سب سے بڑا کرپشن اسکینڈل ہے جس نے شریف برداران کی کرپشن کو بری طرح سے بے نقاب کیا ہے‘‘۔
#PanamaPapers, worlds largest corruption scandal, has exposed Sharif’s corruption. Govt must accept oppositions TORs or face the music. 2/2 — BilawalBhuttoZardari (@BBhuttoZardari) August 7, 2016
یادر ہے تحریک انصاف کی جانب سے کرپشن کے خلاف تحریک احتساب ریلی کے انعقاد کا اعلان کیا گیا ہے جس کے پہلے مرحلے میں ریلی پشاور سے اٹک تک نکالی جائے گی ریلی کے اختتام پر چیئرمین پی ٹی آئی اگلے لائحہ عمل کا اعلان بھی کریں گے۔
پڑھیں : کوئی ابہام نہ رہے، وزیراعظم کا نام ٹی او آرز میں شامل کرائیں گے، بلاول زرداری
واضح رہے پاناما پیپرز میں وزیر اعظم کے صاحبزادوں کے نام اُن لوگوں میں شامل تھے جو دنیا کے مختلف ممالک میں آف شور کمپنیوں کے مالک ہیں، اپوزیشن کی جانب سے اس معاملے کی تحقیقات کے لیے ایک کمیٹی تشکیل دی گئی تھی تاہم اس کی مدت ختم ہوگئی اور دونوں فریقین میں ڈیڈ لاک برقرار ہے۔
مزید پڑھیں : وزیر اعظم کے احتساب تک سڑکوں پر رہیں گے،عمران خان
پیپلزپارٹی کے سینیٹر سعید غنی نے اے آر وائی سے خصوصی گفتگو کرتے ہوئے کہا کہ ’’اگر حکومت نے ٹی او آرز تسلیم نہیں کیے تو پیپلزپارٹی بھی اپنے اگلے لائحہ عمل کا اعلان کرے گی ہمیں تحریک انصاف کے طریقہ کار سے اختلاف ہے‘‘۔
