کراچی: پاکستان انٹرنیشنل ایئر لائن نے برطانیہ سے پاکستان آنے والے پاکستانی مسافروں کو بڑی خوش خبری سنادی۔
اے آر وائی نیوز کے مطابق برطانیہ سے پاکستان جانے والے مسافروں کے لئے اچھی خبر یہ ہے کہ پی آئی اے نے لندن سے اسلام آباد کے لئے دوطرفہ خصوصی چارٹرڈ پروازیں چلانے کا اعلان کردیا۔
ترجمان پی آئی اے کے مطابق پاکستان سے برطانیہ کے شہر لندن کے لئے دو طرفہ چارٹر پروازوں میں اضافہ کیا گیا ہے، چارٹرڈ پروازیں 31 جولائی تک چلائی جائیں گی۔
پی آئی اے ترجمان کے مطابق دس جولائی سے 8 خصوصی چارٹرڈ پروازیں آپریٹ کی جائیں گی ، پہلی پرواز 10 جولائی کو لندن سے اسلام آباد کے لئے روانہ ہو گی۔
مزید پڑھیں: بڑی خوشخبری: پاکستان پر عائد سفری پابندیاں ختم، پروازیں بحال
پی آئی اے کی جانب سے جاری ہونے والے شیڈول کے مطابق دو طرفہ پروازیں 12،14،17،22،24،28اور 31 جولائی تک خصوصی پروازوں کی آمد و روانگی ہوگی۔
پی آئی اے کے مطابق چارٹرڈ پروازوں کے ذریعے لندن جانے والے مسافروں کو سفری سہولت میسر ہوگی، ایک کمپنی کے تعاون سے یہ پروازیں چلائی جائیں گی۔