The news is by your side.

Advertisement

افغانستان جانے والوں کیلیے خوشخبری، پی آئی اے کا بڑا فیصلہ

افغانستان کے دارالحکومت کابل ایئرپورٹ پر کمرشل پروازوں کی بحالی کے بعد پی آئی اے نے بھی بڑا فیصلہ کر ‏لیا۔

قومی ایئرلائن پی آئی اے نے مسافروں کو سہولت فراہم کرتے ہوئےکابل کیلئے فلائٹ آپریشن شروع کرنے کا ‏فیصلہ کیا ہے۔

ترجمان کے مطابق پی آئی اےکی پرواز پیر 13 ستمبر کو صبح 7 بجکر 30 منٹ پر کابل روانہ ہو گی جس کے لیے ‏افغان سول ایوی ایشن اتھارٹی نے پی آئی اےکو لینڈنگ کی اجازت دیدی ہے۔

ترجمان کا کہنا ہے کہ پی آئی اے نےکابل فلائٹ آپریشن کیلئے تیاری مکمل کر لی ہے اس آپریشن میں پی آئی ‏اے ایئربس320 طیارے استعمال کرےگی ۔

دوسری جانب قطری حکام نے کابل ایئر پورٹ سے بین الاقوامی پروازوں کے آغاز کا اعلان کر دیا ہے، حکام نے کہا ‏کہ کابل ایئر پورٹ سے بین الاقوامی پروازوں کا سلسلہ دوبارہ شروع ہو رہا ہے، قطر ایئرویز کی ایک پرواز غیر ملکی ‏مسافروں کو لے کر آج کابل سے روانہ ہوگی۔

طالبان نے افغانستان کے دارالحکومت کابل میں واقع ایئرپورٹ کا نام تبدیل کر دیا ہے۔حامد کرزئی ایئر پورٹ کا نام ‏کابل انٹرنیشنل ایئر پورٹ کر دیا گیا ہے۔

Comments

یہ بھی پڑھیں