The news is by your side.

Advertisement

عمرہ زائرین کیلیے اچھی خبر

سعودی حکومت نے سفری پابندیوں میں نرمی کردی ہے اب 40 سال سے کم عمر مرد بغیر فیملی کے بعد عمرہ ادا کرسکیں گے۔

سعودی حکومت نے سفری پابندیوں میں نرمی کا اعلان کیا ہے۔ اس حوالے سے سعودی سفارتخانے نے عمرہ ادائیگی سے متعلق سرکلر جاری کیا ہے۔

سعودی سفارتخانے کے جاری سرکلر کے مطابق اب 40 سال سے کم عمر مرد بغیر فیملی کے بھی عمرہ ادا کرسکیں گے۔

No description available.

سرکلر کے مطابق 45 سال سے کم عمر خواتین کے بغیر محرم عمرہ ادائیگی کی پابندی بھی ختم کردی گئی ہے اور اب 45 سال سے کم عمر خواتین محرم کے بغیر بھی عمرہ ادائیگی کیلیے حجاز مقدس جاسکتی ہیں۔

واضح رہے کہ سعودی عرب نے اس سے قبل ہر قسم کے انٹری ویزے رکھنے والے افراد کو عمرہ کرنے کی اجازت دینے کا اعلان کیا تھا۔

مزید پڑھیں: سعودی عرب نے عمرہ زائرین کو بڑی خوشخبری سنادی

اس کے لیے سعودی وزارت حج عمرہ نے عمرہ بکنگ کے لیے تین مراحل وضع کیے ہیں۔

پہلا مملکت میں داخلے کا ویزا حاصل کرنا، دوسرا رجسٹریشن کے وقت اس کی معیاد کو یقینی بنانا اور تیسرا مرحلہ ایپلیکیشن پر اپائنٹمنٹ بک کرانا ہے۔

سعودی وزارت حج و عمرہ کے مطابق مملکت سے باہر سے آنے والے زائرین کو عمرہ کی ادائیگی کے لیے ایپ کے ذریعے اپائنٹمنٹ بُک کرانا ہوگی۔ عمرہ اپائنٹمنٹ بکنگ کے زیادہ سے زیادہ چھ گھنٹے کے اندر سعودی عرب میں داخل ہونا لازمی ہوگا بصورت دیگر عمرے کی اجازت خود بخود منسوخ ہو جائے گی۔

Comments

یہ بھی پڑھیں