کراچی: پاکستانیوں کے لیے خوشخبری ہے کہ پی آئی اے کا متحدہ عرب امارات کے لیے فلائٹ آپریشن بحال کر دیا گیا ہے۔
تفصیلات کے مطابق پاکستان انٹرنیشنل ایئرلائن کا 9 جولائی سے متحدہ عرب امارات کے لیے فضائی آپریشن بحال ہو جائے گا۔
پی ائی اے پہلے متحدہ عرب امارات میں پھنسے پاکستانیوں کو واپس لانے کیلئے یک طرفہ پروازیں چلا رہا تھا تاہم اب مسافر پی آئی اے کے ذریعہ پاکستان سے بھی دبئی، شارجہ، ابوظہبی اور العین کےلئے سفر کرسکیں گے۔
ترجمان پی آئی اے کے مطابق تمام مسافروں کو پرواز کی روانگی کے 48 گھنٹوں کے اندر کورونا ٹیسٹ کروانا لازم ہوگا اور منفی رپورٹ بورڈنگ کے وقت پیش کرنا ہوگی جب کہ متحدہ عرب امارات پہنچنے سے پہلے ہیلتھ ڈیکلریشن فارم بھی پر کرنا لازم ہوگا۔
ترجمان کا کہنا ہے کہ فلائٹ آپریشن بحال ہوتے ہی ٹکٹوں کی فروخت کا آغاز ہوگیا ہے جو پی آئی اے کے دفاتر کے علاوہ ویب سائٹ اور ایجنٹس سے بھی حاصل کی جاسکتی ہیں۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں