کراچی : گوگل نے عالمی یوم خواتین پر پاکستان میں ویمن ٹیک میکرز(ڈبلیو ٹی ایم) ایونٹس کی میزبانی کا اعلان کردیا۔
تفصیلات کے مطابق گوگل نے عالمی یوم خواتین پر پاکستان میں 1550 سے زائد خاتون ڈیویلپرز کی معاونت کے لیے 7 ویمن ٹیک میکرز ایونٹس کی میزبانی کا اعلان کردیا۔
گوگل اس سال، پاکستان میں سات ویمن ٹیک میکرز(ڈبلیو ٹی ایم) ایونٹس منعقد کرے گا تاکہ پانچ شہروں میں 1,550سے زائد خاتون ڈیویلپرز کو اعانت فراہم کی جا سکے اور اْنھیں بااختیار بنایا جا سکے۔
ویمن ٹیک میکرز خواتین کے لیے روئیت، کمیونٹی اور وسائل فراہم کرنے کے لیے گوگل کا ایک عالمی اقدام ہے۔
یہ سات ایونٹس ریلیوں، ورکشاپس، نیٹ ورکنگ ایونٹس اور کانفرنسوں کی صورت میں منعقد ہوں گے اور مارچ سے مئی تک جاری رہیں گے، جس میں تیکنکی مہارت، اور ٹیکنالوجی سمیت مختلف شعبوں میں خواتین کو درپیش منفرد چیلنجوں پرقابو پانے کے لیے تربیت فراہم کی جائے گی۔
اس سلسلے کا پہلا ایونٹ 8 مارچ، 2023ء کوعالمی یوم خواتین کے موقع پر منعقد کیا گیا۔
اس سال،عالمی یوم خواتین کے موقع پر ویمن ٹیک میکرز کا موضوعDareToBe # ہے، جس کے ذریعے ہم خواتین کو بڑے خواب دیکھنے، خطرات مول لینے کی ہمت کرنے اور اعتماد برقرار رکھنے کی ترغیب دیتے ہیں۔
خواہ یہ جرأتمندنہ، لچکدار اور اختراعی ہو، ہم ہر ایک کو اُن تمام طریقوں کے بارے میں سوچنے کی دعوت دیتے ہیں جن سے وہ سنہ 2023ء میں ”ڈئیرٹوبی“ (DareToBe)کریں گیں۔ مقامی ویمن ٹیک میکر ایمبیسیڈرز گوگل کے تعاون سے ایونٹس کی میزبانی کریں گیں۔
ویمنٹ ٹیک میکر ایمبیسڈر پروگرام ٹیکنالوجی کے شعبے میں ایسی خواتین کی اعانت کرتا ہے، جو اثر پیدا کرنا چاہتیں ہیں اور اپنی کمیونٹیز کو لوٹانا چاہتیں ہیں اور ایک سفیر کے طور پر وہ سہ ماہی بنیادوں پر ایک یا زیادہ قائدانہ سرگرمیوں میں حصہ لے کر اپنی کمیونٹیز کے ساتھ مشغول ہوں گی۔
اس بارے میں گوگل کے ریجنل ڈائریکٹر برائے پاکستان، بنگلہ دیش اور سری لنکا، فرحان ایس قریشی نے کہا:”ویمن ٹیک میکرز اپنی ایمبیسڈرزکے تعاون س منعقد کی جانے والی یہ تقریبات نہ صرف ٹیکنالوجی میں خواتین کی کامیابیوں کا اعتراف ہوں گی بلکہ مزید خواتین کی حوصلہ افزائی بھی کریں گیں کہ وہ بھی تیزی سے بڑھتی ہوئی ٹیک انڈسٹری میں شامل ہوں۔
ان کا کہنا تھا کہ گزشتہ برسوں کے دوران، ڈبلیو ٹی ایم اور اس کی ایمبیسیڈرز نے متعدد ایونٹس منعقد کیے ہیں جن سے خاتون ڈیویلپرز کو اُن کی حقیقی اور مکمل صلاحیت تک پہنچنے میں مدد ملی ہے۔
فرحان ایس قریشی نے بتایا کہ یہ پروگرام ٹیکنالوجی کے شعبے میں تنوع، مساوات اور شمولیت کو فروغ دے گا جو گوگل کا بنیادی مشن ہے۔
گزشتہ برس منعقد کیے گئے ایک پروگرام کی شریک، مناہل قریشی نے ڈبلیو ٹی ایم میں اپنے تجربے کو یاد کرتے ہوئے کہا:”مقررین کے سیشن تعلیم، خاتون افرادی قوت، کمیونٹی کی تعمیر اور پاکستانی ٹیک میں خواتین کے لیے مستقبل کے امکانات کے حوالے سے بھرپور گفتگو پر مشتمل تھے۔
مقررین نے انٹر ایکٹو مباحثوں اور بعد دلچسپ سوال و جواب کے سیشنز کے ساتھ آغاز کیا۔ تقریب کا ماحول بہت پرجوش اور مثبت تھا۔“
اس سال ہمارے ڈبلیو ٹی ایم ایونٹس، پچھلے سال کے حوصلہ افزا نتائج پر تیار کیے گئے ہیں جن میں ہم نے ڈبلیو ٹی ایم سیشنز کے ایک سلسلے کے ذریعے پاکستان بھر میں 800 سے زائد خاتون ڈیویلپرز کو تربیت دی۔
تقریبات میں، جو عالمی یوم خواتین کی تقریبات کے ایک جزو کے طور پر منعقد کیں گئیں تھیں، ان میں آن لائن تحفظ کے ساتھ کوڈنگ اور پریزینٹیشن کی مہارت جیسے اہم موضوات کا احاطہ کیا گیا تھا۔
سنہ 2023ء کے ڈبلیو ٹی ایم سیشنز 8 مارچ،2023ء سے شروع ہو چکے ہیں اور پورے پاکستان میں 29 اپریل، 2023ء تک جاری رہیں گے۔ مزید معلومات کے لیے براہ مہربانی https://sites.google.com/view/iwd-wtm-2023-pakistan کا دورہ کیجیے
