آج تین جنوری کو مصر کے انجینئر نبیل علی محمد کی 82ویں سالگرہ منائی جارہی ہے، گوگل نے اُن کی خدمات کو دیکھتے ہوئے اپنا ڈوڈل اُن کے نام کردیا۔
نبیل علی محمد 1938 کو قائرہ میں پیدا ہوئے، انہوں نے عربی زبان کو ڈیجیٹل فارم میں متعارف کرایا جس کا سب سے بڑا فائدہ یہ ہوا کہ کمپیوٹر کو عرب ممالک میں عربی زبان میں ہی متعارف کرایا گیا۔
انہوں نے قائرہ یونیورسٹی سے گریجویشن کی ڈگری حاصل کی اور پھر ایرونوٹیکل میں ڈاکٹر آف فلاسفی (پی ایچ ڈی) مکمل کی۔ نبی علی محمد نے دو دہائی انجینئرنگ کے لیے وقف کیں اور پھر مصری فضائیہ میں بطور انجینئر فرائض انجام دیے، علاوہ ازیں انہوں نے مختلف کمپنیوں کے لیے کام کیا اور سافٹ ویئر متعارف کرائے۔
عبداللہ کو اگر عربی زبان کے کمپیوٹر کا بانی کہا جائے تو غلط نہ ہوگا کیونکہ انہوں نے دنیا بھر میں عربی زبان ڈیجیٹل فارم میں متعارف کرائی جس کے بعد اسے کمپیوٹر میں شامل کیا گیا۔
رپورٹ کے مطابق گوگل نے اس سے قبل بھی نبیل علی محمد کا ڈوڈل متعارف کرایا تھا جسے کیون لاوہلن نے ڈیزائن کیا تھا۔
