ویسے تو اکثر گوگل میپ کے ذریعے آسانی سے راستہ تلاش کیا جاتا ہے مگر بھارت میں گوگل پر اندھا بھروسہ کرنے کے سبب ایک بس پانی میں جا گھسی۔
غیرملکی میڈیا رپورٹس کے مطابق بھارتی ریاست تلنگانہ کے ضلع پیٹ میں یہ واقعہ پیش آیا۔ تمل ناڈو سے آنے والی بس رات کے وقت حسن آباد کی طرف محو سفر تھی لیکن بدقستمی سے ڈرائیور راستے سے واقف نہیں تھا۔
بس ڈرائیور نے راستہ تلاش کرنے کے لیے گوگل میاپ کا سہارا لیا جس میں نظرآرہا تھا کہ نندارم اسٹیج کے بعد ایک سڑک موجود ہے لیکن میپ نے بس کو پانی کے بیچوں بیچ پہنچا دیا۔
ہوا یوں کہ راستے میں اندھیرے کے باعث بس گوگل میپ کو فالو کرتے ہوئے آگے بڑھنے لگے۔ ڈرائیور سمجھا کہ شاید بارش کی وجہ سے سڑک پر پانی جمع ہے کیونکہ میپ میں راستہ نظر آرہا تھا،
بس آگے بڑھتے بڑھتے گہرے پانی میں چلی گئی اور پانی بس کے کیبن تک پانی پہنچ گیا، اپنی حماقت کا پتا چلنے پر ڈرائیور اور کلینر فوری طور پر بس سے اتر کر مشکلوں سے کنارے تک پہنچے۔
بعد ازاں مقامی افراد نے رسیوں کی مدد سے بس کو کھینچ کر پانی سے باہر نکالا جس کے بعد ڈرائیور دوسرا راستہ اختیار کرتے ہوئے بائی پاس روڈ کے ذریعے سفر کے لیے روانہ ہوا۔
