تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

گوگل بھارت کے اہم مسئلے کو حل کرنے کے لیے سرگرم

بمبئی : انٹرنیٹ کی معروف کمپنی گوگل نے بھارت کے سب سے بڑے مسئلے ’’ٹوائلٹ‘‘ کی تلاش کو حل کرنے کا بیڑا اٹھا لیا ہے جس کے تحت گوگل انتظامیہ اور بھارتی وزاتِ شہری ترقی کے درمیان معاہدے طے پاگیا ہے۔

تفصیلات کے مطابق بھارت میں 70 فیصد گھرانوں کو ٹوائلٹ کی سہولت میسر نہ ہونے اور بڑھتی ہوئی آبادی کے باعث لوگوں کا کھلے مقامات پر رفع حاجت کرنے کا سلسلہ دن بہ دن تیز ہوتا جارہا ہے۔ عالمی ادارے کی رپورٹ میں اس بات کا انکشاف ہوا ہے کہ 70 فیصد گھرانے تاحال ٹوائلٹ کی کمی کے باعث رسائی حاصل نہیں کرسکے جس کے باعث وہ مجبورا کھلے مقامات پر رفع حاجت کرتے ہیں اور اس رجحان کے بڑھنے میں تیزی واقع ہورہی ہے۔

انٹرنیٹ کی نامور کمپنی گوگل اس مسئلے کو حل کرنے کے لیے سنجیدہ ہے جس کے لیے گوگل انتظامیہ نے شہری ترقی کے وزیر سے ملاقات کر کے اس مسئلے کو حل کرنے کے لیے ایک پیش کش کی۔


پڑھیں: ’’ ٹوائلٹ کی جگہ آثار قدیمہ دریافت ‘‘


 وزارتِ شہری ترقی نے گوگل کی پیش کش کو تسلیم کرلیا جس کے بعد دونوں اداروں کے درمیان ایک شراکت داری معاہدہ طے ہوگیا۔ اس کےتحت گوگل نے خصوصی میپ اپلیکشن متعارف کی ہے جو بھارتی عوام کو ٹوائلٹ تلاش کرنے میں مدد فراہم کرے گی۔

ٹوائلٹ کی تلاش کے لیے تقشے کے ساتھ ایک خصوصی ٹول متعارف کروایا گیا ہے جو لوگوں کو صاف عوامی ٹوائلٹس کی تلاش اور اس تک رسائی حاصل کرنے میں مدد فراہم کرے گا۔


مزید پڑھیں: ’’ بیش قیمت نگینے جڑا دنیا کا مہنگا ترین ٹوائلٹ ‘‘


ابتدائی مراحل میں اس کو صرف دہلی کے میٹروپولیٹن علاقوں تک کے لیے متعارف کروایا گیا ہے اور یہ بالکل اس طرح کام کررہا ہے جیسے صارف ریسٹورینٹ یا بینک تلاش کرنے میں گوگل میپ سے مدد حاصل کرتے ہیں۔

صارفین کو ٹوائلٹ یا اس کے لیے استعمال ہونے والے دیگر الفاظ تحریر کرنے ہوں گے جس کے بعد گوگل قریب میں واقع ٹوائلٹ کی نشاندہی کردے گا۔ اس منصوبے پر کام رواں ماہ کے آخر تک شروع ہوجائے گا جبکہ دیگر شہروں میں سروس مہیا کرنے کے لیے کوئی اعلان نہیں کیا گیا۔

Comments

- Advertisement -