اسلام آباد : حکومتی کمیٹی نے سینسر بورڈ کو فلم جوائے لینڈ کا دوبارہ جائزہ لینے کی تجویز دے دی۔
تفصیلات کے مطابق فلم "جوائے لینڈ” پر سینسر بورڈ کی پابندی کے معاملے پر وزیر اعظم میاں محمد شہباز شریف کی فلم پر اعتراضات پر قائم کمیٹی کا اجلاس ہوا۔
وفاقی وزیر قانون سردار ایاز صادق نے خصوصی کمیٹی کی صدارت کی، کمیٹی میں وفاقی وزیر اطلاعات مریم اورنگزیب، قمر زمان کائرہ، امین الحق اور چوہدری سالک حسین نے شرکت کی۔
ذرائع نے بتایا کہ کمیٹی نے فلم سے متعلق اپنی تجاویز مرتب کرلیں، کمیٹی نے فل سینسر بورڈ کو فلم جوائے لینڈ کا دوبارہ جائزہ لینے کی تجویز دے دی۔
ذرائع کے مطابق کمیٹی نے فلم بینی کی اور فلم کا بغور جائزہ لیا، اس سے قبل فلم کو 4 رکنی سینسر بورڈ نے پاس کیا تھا اور 9 رکنی سینسر بورڈ نے فلم جوائے لینڈ پر پابندی عائد کی۔
