اسلام آباد : پٹرول کی قیمتوں سے متعلق معاملہ بدستور اختلافات کا شکار ہے، 4 روز گزرنے کے باوجود پٹرول کی نئی قیمتوں کا اعلان نہیں ہوسکا۔

تفصیلات کے مطابق حکومت 4 روز بعد بھی پٹرولیم مصنوعات کااعلان نہ کرسکی، پٹرول کی قیمتیں بڑھانے یا کم کرنے سے متعلق معاملہ بدستور اختلافات کا شکار ہے۔

حکومت نئی قیمتوں کااعلان کرنے میں مسلسل چوتھے دن بھی ناکام ہے،15 ستمبرکی شب 12 بجے پٹرولیم مصنوعات کی نئی قیمتوں کا اعلان ہونا تھا۔

تاہم حکومت 4 روز گزرنے کے باوجود پٹرول کی نئی قیمتوں کا اعلان نہیں ہوسکا ، وزیرخزانہ مفتاح اسماعیل قیمتوں میں معمولی کمی کااشارہ دے چکے ہیں۔

خیال رہے آئل اینڈ گیس ریگولیٹری اتھارٹی (اوگرا) نے پٹرولیم مصنوعات کی قیمتیں کم کرنےکی تجویز دی ہے۔

حکومتی اتحادی جماعتوں نے بھی پٹرولیم مصنوعات میں ریلیف کامطالبہ کیا تاہم وزارت خزانہ کاپٹرولیم مصنوعات کی قیمتیں بڑھانے پر زور دیا ہے۔

پٹرولیم مصنوعات کی قیمتوں سے متعلق فیصلہ وزیراعظم کریں گے