اسلام آباد : مارچ سے اکتوبر تک وفاقی حکومت کے قرضے میں 4 ہزار 304 ارب روپے اضافہ ہوا اور اکتوبر تک وفاقی حکومت کا قرضہ 69 ہزار 114 ارب روپے ہوگیا۔
تفصیلات کے مطابق موجودہ حکومت کے ابتدائی 8 ماہ میں قرضوں میں اضافے کی تفصیلات سامنے آگئیں۔
دستاویز میں بتایا گیا کہ مارچ سےاکتوبرتک وفاقی حکومت کا قرضہ4 ہزار304ارب روپےبڑھا اور اکتوبر تک وفاقی حکومت کا قرضہ 69 ہزار 114 ارب روپے رہا۔
دستاویز میں کہنا تھا کہ فروری میں وفاقی حکومت کے قرضوں کا حجم 64 ہزار 810 ارب روپے تھا، پہلے 8 ماہ میں مقامی قرض میں 4 ہزار 556ارب روپے کا اضافہ ہوا اور اِسی مدت میں وفاقی حکومت کے غیر ملکی قرض میں 251 ارب کی کمی ہوئی۔
دستاویز میں کہا ہے کہ اکتوبر تک وفاقی حکومت کا مقامی قرضہ 47 ہزار 231 ارب روپے تھا اور اِسی مدت تک وفاقی حکومت کا غیر ملکی قرضہ 21 ہزار 884 ارب روپے تھا۔
دستاویز کے مطابق فروری تک وفاقی حکومت کا مقامی قرضہ42ہزار675ارب روپےتھا، فروری تک مرکزی حکومت کاغیرملکی کا قرضہ 22 ہزار134 ارب تھا۔
