کراچی: صوبہ سندھ کے سرکاری اسپتالوں میں کینسر کے زیر علاج مریضوں کو انجکشن کے حصول میں مشکلات کا سامنا ہے۔
ذرائع محکمہ صحت کے مطابق وفاقی بیت المال کی جانب سے کینسر کے مریضوں کے لیے فنڈ کا اجرا نہ ہو سکا، جس کی وجہ سے صوبے کے اسپتالوں میں کینسر کے مریضوں کو انجکشن کے حصول میں شدید مشکلات کا سامنا کرنا پڑ رہا ہے۔
ذرائع نے بتایا کہ کینسر کے مختلف مراحل کے تحت مریضوں کو 8 سے 16 انجکشن لگائے جاتے ہیں، اور ایک انجکشن کی مالیت ڈھائی لاکھ سے 6 لاکھ کے درمیان ہوتی ہے۔
ایشیائی آبادیوں میں بریسٹ کینسر کی شرح سب سے زیادہ کراچی میں
ذرائع محکمہ صحت کے مطابق رواں سال کا فنڈ جاری نہ ہونے کے سبب مریضوں کو مشکلات کا سامنا ہے، اور سرکاری اسپتالوں میں جانے والے مریض نجی اسپتالوں میں اتنا مہنگا علاج کرنے کی سکت نہیں رکھتے۔
