حکومت کی جانب سے پیٹرولیم مصنوعات کی قیمتوں میں اضافے کا اعلان کردیا گیا۔
اے آر وائی نیوز کے مطابق حکومت کی جانب سے پیٹرول کی قیمت میں 22 روپے 20 پیسے اضافے کا اعلان کیا گیا ہے جس کے بعد پیٹرول کی فی لیٹر قیمت 272 روپے ہوگئی ہے۔
ہائی اسپیڈ ڈیزل کی قیمت میں 17 روپے 20 پیسے فی لیٹر اضافہ کیا گیا ہے جبکہ مٹی کے تیل کی قیمت بھی 12 روپے 90 پیسے فی لیٹر بڑھائی گئی ہے۔
حکومت نے لائٹ ڈیزل کی قیمت میں 9 روپے 68 پیسے فی لیٹر اضافہ کیا ہے۔
واضح رہے کہ پیٹرولیم مصنوعات کی قیمتوں میں اضافے کا اطلاق رات 12 بجے سے ہوگا جبکہ پیٹرولیم مصنوعات کی قیمتوں میں ردوبدول ہر 15 روز کے بعد کیا جاتا ہے۔
عوام کی قوت خرید کے ساتھ اب سفر کرنا بھی مشکل ہوجائے گا، مزمل اسلم
ماہر معاشیات مزمل اسلم کا کہنا ہے کہ پاکستانیوں کی قوت خرید کے ساتھ اب سفر کرنا بھی مشکل ہوجائے گا۔
انہوں نے کہا کہ پاکستان کی تاریخ میں اتنے عرصے میں پیٹرولیم مصنوعات کی قیمتیں ایسے نہیں بڑھیں اب مہنگائی کا طوفان آئے گا۔
مزمل اسلم کا کہنا تھا کہ غریب آدمی تو دور اب تو مڈل کلاس طبقہ بھی بری متاثر ہوگا تنخواہ دار طبقہ تو گیس، بجلی اور پیٹرول میں ہی خرچ کردے گا یہ افرا تفری پیدا کررہی ہے یہ حکومت بددعائیں لے رہی ہے۔
