کوئٹہ : بلوچستان حکومت نے سرکاری ملازمت کیلئے عمر کی حد میں اضافہ کردیا، وزیراعلیٰ نے سمری کی منظوری دے دی۔
تفصیلات کے مطابق بلوچستان حکومت نے سرکاری ملازمت کیلئے عمر کی حد مزید ایک سال بڑھانے کا فیصلہ کرلیا۔
اس حوالے سے حکم نامہ جاری کردیا ہے جس کے مطابق بلوچستان میں سرکاری ملازمت کیلئے عمر کی بالائی حد43سال مقرر کردی گئی۔
جاری ہونے والے اعلامیہ میں کہا گیا ہے کہ وزیراعلیٰ بلوچستان نے محکمہ ہائے ملازمت و عمومی نظم ونسق کی سمری پر منظوری دی ہے۔
واضح رہے کہ اس سے قبل حکومت سندھ نے بھی رواں سال جنوری میں سرکاری ملازمت کے لیے عمر کی حد میں 15 سال اضافے کی رعایت دی تھی جو سال 2024 تک کیلیے ہے۔
ذرائع کا کہنا ہےکہ سرکاری محکموں میں بھرتی کے لیے عمرکی حد 18 سے 28 سال کےدرمیان ہوتی ہے۔
Comments
- Advertisement -