اقتصادی رابطہ کمیٹی کی جانب سے سرکاری پاور پلانٹس کو ڈھائی سو ارب روپے سے زائد ادائیگی کی منظوری دیدی گئی۔
تفصیلات کے مطابق نگران وزیر خزانہ ڈاکٹرشمشاد اختر کی زیر صدارت ای سی سی کا اجلاس ہوا جس میں اقتصادی رابطہ کمیٹی نے سرکاری پاور پلانٹس کو 262 ارب روپے ادائیگی کی منظوری دیدی ہے۔
ذرائع نے بتایا کہ پاور پلانٹس کو آئی پی پیز کی طرز پر تکنیکی گرانٹ کے طور پر رقم دینے کا فیصلہ کیا گیا ہے۔
کےالیکٹرک کے بقایاجات کی مد میں 57 ارب کی ایڈوانس سبسڈی بھی منظور کی گئی ہے۔ آئی ایم ایف شرائط کے تحت ایکسپورٹ فنانس اسکیم فیز آؤٹ کرنے کی منظوری
نیکا ادارے کو سائنس و ٹیکنالوجی ڈویژن سے وزارت توانائی کو منتقل کرنے کا فیصلہ کیا گیا ہے۔ اس مقصد کیلئے 15 کروڑ 24 لاکھ روپےکی تکنیکی سپلیمنٹری گرانٹ بھی منظور کی گئی ہے۔
ذرائع نے بتایا کہ آئی بی کو رواں مالی سال کے دوران 25 کروڑ روپے اضافی فنڈز فراہمی کی اجازت بھی دی گئی ہے۔
گندم کی امدادی قیمت، تمباکو کی فصل کی کم ازکم قیمت کے تعین کی بھی منظوری دی گئی ہے۔ تاپی منصوبے سے متعلق وزارت پیٹرولیم کی سمری مؤخر کر دی گئی ہے۔
