site
stats
پاکستان

حکومت بنگلہ دیش میں پھانسیوں کا معاملہ عالمی سطح پراٹھائے: سراج الحق

لاہور: جماعت اسلامی کے امیرسراج الحق کا کہناہے کہ بنگلہ دیش میں پھانسی چڑھنے والے راہ حق کے شہید ہیں حکومت پاکستان کو ان پھانسیوں کا معاملہ عالمی سطح پراٹھانا چاہئے۔

لاہور میں ریگل چوک پر بنگلہ دیش میں بے گناہ افراد کو پھانسے دیئے جانے کے خلاف دھرنے سے خطاب کرتے ہوئے امیر جماعت اسلامی کا کہنا تھا کہ بنگلہ دیش میں البدراورالشمس نے مسلک یا زبان کی بنیاد پر نہیں بلکہ پاکستان کی بنیاد پرجنگ لڑی تھی۔

انہوں نے یہ بھی کہا کہ پاکستان واحد اسلامی ریاست ہے جو کہ مدینے کی ریاست کے بعد کلمے کی بنیاد پرقائم کی گئی۔

انہوں نے کہا بنگلہ دیش میں جماعت اسلامی کے25 سے زائد بے گناہ کارکنان کوپھانسی کی سزاسنائی جاچکی ہےجبکہ 4ہزار سے زائد کارکنان بنگلہ دیشی جیلوں میں قید ہیں۔

جماعت اسلامی کے امیر کا یہ بھی کہنا تھا کہ اگر بنگلہ دیش میں شفاف اور آزادانہ طریقے سے انتخابات ہوں تو جماعت اسلامی سب سے بڑی جماعت بن کر ابھرے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top