The news is by your side.

Advertisement

حکومت کا قومی انسداد خسرہ مہم چلانے کا فیصلہ، ماسٹر پلان تیار

اسلام آباد: حکومت کی جانب سے قومی انسداد خسرہ مہم چلانے کا فیصلہ کر لیا گیا، وفاقی اور صوبائی سطح پر مہم سے متعلق تیاریاں شروع کر دی گئیں۔

تفصیلات کے مطابق قومی انسداد خسرہ مہم رواں برس اکتوبر میں چلائی جائے گی جبکہ وفاقی توسیع پروگرام برائے حفاظتی ٹیکہ جات مہم کی نگرانی کرے گا۔

ذرائع کا کہنا ہے کہ قومی انسداد خسرہ مہم کا ماسٹر پلان تیار کر لیا گیا ہے جو قومی خسرہ مہم عالمی ادارے صحت گاوی کے تعاون سے چلائی جائے گی، جبکہ وفاق اورصوبائی سطح پر خسرہ مہم سے متعلق تیاریوں کا آغاز کر دیا گیا ہے۔

کراچی:لیڈی ہیلتھ ورکر کا قتل، انسداد خسرہ مہم کے بائیکاٹ کا اعلان

مہم کے دوران پانچ سال سے کمر عمر 3 کروڑ بچوں کو انسداد خسرہ ویکسین دی جائے گی تاہم بچوں میں قوت مدافعت بڑھانے کے لیے مہم چلانے کا فیصلہ کیا گیا ہے۔

ذرائع کے مطابق قومی مہم کے لیے ویکسین کی تین کروڑ ستر لاکھ خوراکیں درکار ہوں گی جس کے لیے بھر پور تیاریاں کی جارہی ہیں، جبکہ  عالمی ادارہ صحت گاوی کا تعاون بھی حاصل ہے۔

پنجاب کے20اضلاع میں خسرہ کا مرض پھیل گیا،2536مشتبہ کیس رپورٹ

واضح رہے کہ پاکستان نے ماضی میں خسرہ مہم کیلئے عالمی ادارہ گاوی سے درخواست کی تھی البتہ گاوی نے گذشتہ سال دسمبر 2017 میں پاکستان میں خسرہ مہم کی منظوری دی،جس کے بعد ماسٹر پلان تیار کیا گیا، خیال رہے کہ بچوں کوخسرہ ویکسین کی خوراک 9 اور 15 ماہ کی عمر میں دی جاتی ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں