The news is by your side.

حکومت نے سی سی پی او لاہور غلام محمود ڈوگر کو معطل کر دیا

لاہور: وفاقی حکومت نے بلاآخر کیپٹل سٹی پولیس آفیسر (سی سی پی او) لاہور غلام محمود ڈوگر کو عہدے سے معطل کر دیا۔

وفاق نے جولائی میں غلام محمود ڈوگر کو سی سی پی او لاہور تعینات کیا تھا جبکہ ستمبر میں ان کی سبکدوشی کا نوٹی فکیشن جاری کیا تھا تاہم پنجاب حکومت نے غلام محمود ڈوگر کو چارج چھوڑنے سے روک دیا تھا۔

آج اسٹیبلشمنٹ ڈویژن نے غلام محمود ڈوگر کی معطلی کا نوٹی فیکشن جاری کر دیا۔ گریڈ 21 کے غلام محمود ڈوگر اس سے قبل بھی سی سی پی او لاہور رہ چکے ہیں۔ ان کا شمار پروفیشنل، ایماندار اور منجھے ہوئے پولیس افسران میں ہوتا ہے۔

غلام محمود ڈوگر نے ماضی میں بطور سی سی پی او جرائم پیشہ افراد کے خلاف بھرپور کارروائیاں کیں جبکہ ان کی سربراہی میں قبضہ گروپوں کے خلاف بھی بڑے پیمانے پر کریک ڈاؤن ہوا تھا۔

Comments

یہ بھی پڑھیں