اسلام آباد : حکومت نے پانچ آئی پی پیز بند کرنے کا فیصلہ کرلیا ہے جبکہ 100 کے قریب آئی پی پیز سے بات چیت جاری ہے۔
تفصیلات کے مطابق حکومت اورآئی پی پیزکےدرمیان بات چیت جاری ہے ، ذرائع نے بتایا کہ حکومت کی100کےقریب آئی پی پیزکےساتھ بات چیت جاری ہے، منافع میں کمی سے متعلق آئی پی پیزکا رویہ لچکدار ہے۔
ذرائع کا کہنا تھا کہ آئی پی پیز کےمنافع میں کتنی کمی ہوگی ابھی ورکنگ جاری ہے تاہم 5 آئی پی پیز کو بند کیا جا رہا ہے، ضروری نہیں تمام آئی پی پیز سے گفتگو کے نتائج کا اعلان ایک ہی بارکردیاجائے۔
ذرائع نے بتایا تھا کہ آئی پی پیزکے ساتھ بات چیت مکمل ہونے پر عوام کو آگاہ کیا جائے گا۔
گذشتہ روز وفاقی وزیرتوانائی اویس لغاری نے کمیٹی کو بریفنگ دیتے ہوئے کہا تھا کہ پہلےبھی آئی پی پیزپر کمیٹی کوتمام معلومات فراہم کی ہیں ، آئی پی پیز سےمتعلق عوام کو جلد خوشخبری دیں گے۔
ان کا کہنا تھا کہ ٹاسک فورس نے بجلی کےشعبےکا جائزہ مکمل کر لیا ہے، آئی پی پیزکیساتھ معاہدوں پر یکطرفہ کوئی اقدام نہیں کریں گے تاہم آئی پی پیزکواعتماد میں لے کر تمام کام کیا جا رہا ہے۔
انھوں نے خوشخبری سناتے ہوئے کہا تھا کہ چند ہفتوں میں آئی پی پیز کیساتھ پیش رفت سامنےآئےگی، آئی پی پیز کے ساتھ منافع جات کمی پر بات چیت ہوئی ہے۔
