حکومت نے سابق وزیر خزانہ مفتاح اسماعیل کو وفاقی وزیر کے عہدے پر برقرار رکھنے کا فیصلہ کیا ہے۔

ذرائع کے مطابق مفتاح اسماعیل فی الحال وفاقی کابینہ کا حصہ رہیں گے اور وہ بغیر قلمدان کےوفاقی وزیر تعینات رہیں گے۔ مفتاح اسماعیل کو آج وزیرخزانہ و ریونیو کے عہدے سے سبکدوش کیا جا چکا ہے۔

مفتاح اسماعیل کے وفاقی وزیر ہوتے ہوئے وفاقی وزرا کی تعداد 35 ہو گئی ہے جب کہ زیراعظم کی کابینہ کی مجموعی تعداد 74 ہوچکی ہے۔

مفتاح اسماعیل کا بطور وزیر تعیناتی کا نوٹیفکیشن 19 اپریل 2022 کوجاری کیا گیا تھا۔ مفتاح اسماعیل کو غیرمنتخب شخصیت ہوتے ہوئے وفاقی وزیر تعینات کیا گیا تھا غیرمنتخب شخصیت زیادہ سے زیادہ 6 ماہ تک وفاقی وزیر رہ سکتا ہے اس اعتبار سے مفتاح کی بطور وفاقی وزیر 6 ماہ کی مدت 18 اکتوبر 2022 کو پوری ہونا ہے۔