وزیراعظم نے ڈاکٹرامیر محمد جوگزئی کو گورنر بلوچستان نامزد کردیا - گورنر بلوچستان نامزد
The news is by your side.

Advertisement

وزیراعظم نے ڈاکٹرامیر محمد جوگزئی کو گورنر بلوچستان نامزد کردیا

اسلام آباد : وزیر اعظم عمران خان نے بلوچستان کے گورنر کے لئے ڈاکٹرامیر محمد جوگزئی کو نامزد کردیا، نیب نے رواں سال ہی نامزد گورنر کیخلاف تحقیقات کی منظوری دی ہے۔

تفصیلات کے مطابق پنجاب،سندھ اور خیبر پختونخواہ کے بعد اب بلوچستان کے گورنرکو بھی نامزد کردیا گیا ہے، وزیر اعظم عمران خان نے ڈاکٹر امیر محمد جوگزئی کا نام فائنل کرلیا ہے اور  اس حوالے سے وزیراعظم  نے ڈاکٹر امیر محمد خان کے نام کی باقاعدہ منظوری بھی دے دی ہے۔

نامزد گورنر بلوچستان ابم بی بی ایس کی ڈگری رکھتے ہیں وہ ہیلپ بلوچستان ادارے کے پریزیڈنٹ اور ایگزیکٹو ڈائریکٹر کے علاوہ سی ای او کڈنی سینٹر رہ چکے ہیں۔

اس کے علاوہ چائلڈ اسپیشلسٹ امیر محمد خان جوگزئی سول اسپتال شعبہ اطفال کے سربراہ بھی رہے ہیں، ڈاکٹر امیرمحمد خان جوگزئی کا تعلق بلوچستان کے علاقے قلعہ سیف اللہ سے ہے،امیر محمد خان جوگزئی سابق گورنر سردارگل محمد جوگزئی کے بھائی ہیں۔

علاوہ ازیں نامزد گورنر بلوچستان امیر محمد جوگزئی کیخلاف نیب میں کیس دائر ہو چکا ہے جس میں ان پر کڈنی سینٹر کے لیے زائد قیمت پر مشینری خریدنے کا الزام ہے۔

نیب ذرائع کے مطابق نامزد گورنر بلوچستان ڈاکٹرامیر محمدجوگزئی کے خلاف قومی احتساب بیورو ( نیب ) میں تحقیقات جاری ہیں، نیب نے رواں سال نامزد گورنر کیخلاف تحقیقات کی منظوری دی تھی۔

مزید پڑھیں: عمران اسماعیل سندھ کے33ویں گورنرمقرر، نوٹی فکیشن جاری کردیا گیا

واضح رہے کہ اس سے قبل وزیر اعظم عمران خان نے چوہدری سرور کو پنجاب، عمران اسماعیل کو سندھ اور شاہ فرمان کو گورنر خیبر پختونخواہ نامزد کیا ہے۔

Comments

comments

یہ بھی پڑھیں