The news is by your side.

Advertisement

گورنر خیبرپختونخوا بھی مستعفی ہوگئے

گورنر خیبر پختونخوا شاہ فرمان بھی اپنے عہدے سے مستعفی ہوگئے ہیں اور انہوں نے اپنا استعفیٰ صدر مملکت ڈاکٹر عارف علوی کو بھجوا دیا ہے۔

پاکستان میں جاری سیاسی ہلچل میں گزشتہ ایک گھنٹے کےدوران نیا موڑ آیا ہے اور پی ٹی آئی کی جانب سے استعفوں کا سلسلہ شروع ہوگیا ہے۔

اے آر وائی نیوز کے مطابق گورنر خیبر پختونخوا شاہ فرمان بھی اپنے عہدے سے مستعفی ہوگئے ہیں اور انہوں نے اپنا استعفیٰ صدر مملکت ڈاکٹر عارف علوی کو بھجوا دیا ہے۔

گورنر کے پی کے مستعفی ہونے سے کچھ وقت قبل ہی گورنر سندھ عمران اسماعیل نے مستعفی ہونے کا اعلان کرتے ہوئے کہا تھا کہ شہباز شریف کے وزیراعظم بنتے ہی مستعفی ہوجاؤں گا۔

اے آر وائی نیوز کے مطابق گورنر سندھ عمران اسماعیل نے مستعفی ہونے کا اعلان کرتے ہوئے کہا تھا کہ میں نے استعفیٰ لکھ کر رکھ لیا ہے اور شہباز شریف کے وزیراعظم بنتے یہ مستعفی ہوجاؤں گا اور اپنا استعفیٰ صدر مملکت کو بھجوا دونگا۔

عمران اسماعیل کا مزید کہنا تھا کہ میں نے پیکنگ شروع کردی ہے اور دو روز میں گورنر ہاؤس سے منتقل ہوجاؤں گا۔

مزید پڑھیں: گورنرسندھ کا مستعفی ہونے کا اعلان

واضح رہے کہ اس سے قبل پی ٹی آئی کی پارلیمانی پارٹی کے اجلاس میں قومی اسمبلی کے مستعفی ہونے کا فیصلہ کیا گیا تھا۔

فیصلے کے بعد سابق وزیراعظم عمران خان سمیت اراکین اسمبلی نے اپنے استعفے اسپیکر قومی اسمبلی کو بھجوادیے۔

بعد ازاں نئے قائد ایوان کے انتخاب کے لیے قومی اسمبلی میں اجلاس میں پی ٹی آئی اراکین نے وزیراعظم کے انتخاب کے بائیکاٹ کا اعلان کردیا اور ایوان سے باہر آگئے۔

Comments

یہ بھی پڑھیں