The news is by your side.

پنجاب اسمبلی تحلیل ہوگئی، گورنر پنجاب کو سمری موصول

لاہور : گورنر پنجاب بلیغ الرحمان نے اسمبلی تحلیل کرنے کی سمری موصول ہونے کی تصدیق کردی۔

تفصیلات کے مطابق گورنر پنجاب بلیغ الرحمان نے سماجی رابطے کی ویب سائٹ ٹوئٹر پر اپنے پیغام میں کہا کہ گورنر ہاؤس کو وزیراعلیٰ پنجاب چوہدری پرویزالٰہی کی جانب سے بھیجی گئی اسمبلی کی تحلیل کی سمری موصول ہوگئی ہے۔

ذرایع کا کہنا تھا کہ گورنر نے دستخط نہ کیے 48 گھنٹوں میں اسمبلی ازخود تحلیل ہو جائے گی۔

گذشتہ روز پی ٹی آئی کے رہنما فواد چوہدری نے بتایا تھا کہ پنجاب اسمبلی کو تحلیل کرنے کی ایڈوائس گورنر بلیغ الرحمٰن کو بھجوا دی گئی ہے، پنجاب میں عبوری حکومت کی تشکیل کے لیے اپوزیشن لیڈر حمزہ شہباز کو 48 گھنٹے میں خط لکھ رہے ہیں۔

فواد چوہدری کا کہنا تھا کہ ہم نے وعدہ کیا تھا کہ اسمبلیاں توڑ کر عوام میں جائیں گے، دونوں صوبوں کی اسمبلیاں تحلیل ہونے کے بعد 90 دن میں الیکشن ہوں گے۔

Comments

یہ بھی پڑھیں