The news is by your side.

Advertisement

‘بھارت کو افغانستان میں امن برداشت نہیں ، سازشوں پر اتر آیا’

لاہور : گورنر پنجاب چوہدری سرور کا کہنا ہے کہ بھارت امن کا سب سے بڑا دشمن ہے ، بھارت سے افغانستان میں امن برداشت نہیں ہورہا ، سازشیں کر رہا ہے۔

تفصیلات کے مطابق گورنر پنجاب چوہدری سرور نے اپنے پیغام میں کہا کہ بھارت امن کاسب سےبڑادشمن،دہشتگردوں کاسہولت کارہے، افغانستان میں امن بھی بھارت سےبرداشت نہیں ہورہا ،سازشیں کر رہا ہے۔

گورنر پنجاب کا کہنا تھا کہ پاکستان دنیا میں بھارتی دہشت گردی اور کشمیریوں پرمظالم کوبے نقاب کررہا ہے، بھارت مسلمانوں کیخلاف جرائم،اسلامو فوبیا کو فروغ دے رہا ہے، جس کے بعد پاکستان اقلیتوں کیلئے محفوظ بھارت خطرناک ترین ملک بن چکا ہے۔

کشمیر کے حوالے سے چوہدری سرور نے کہا کہ کشمیریوں سے بھارتی افواج کا شرمناک سلوک بنیادی انسانی حقوق کا قتل ہے، 22کروڑ پاکستانی کشمیر یوں کیساتھ اور کسی قربانی سے دریغ نہیں کریں گے۔

یاد رہے وزیر خارجہ شاہ محمود قریشی کا کہنا تھا کہ بھارت افغانستان میں قیام امن کی کاوشوں کو سبوتاژ کرنا چاہتا ہے، بھارت کی ہندوتواسوچ کے باعث خطے کو شدید خطرات ہیں، دنیا کے سامنے بھارت سرکار کا اصل چہرہ سامنے لا رہے ہیں،کشمیریوں کو ھارتی استبداد سے نجات دلانے کے لیے دنیا کردار ادا کرے۔

Comments

یہ بھی پڑھیں