The news is by your side.

Advertisement

گورنر پنجاب نے دلھنوں کو قرآن پاک اور انگوٹھی کا تحفہ دے دیا

مریدکے: گورنر پنجاب چودھری محمد سرور 25 مستحق بچیوں کی اجتماعی شادیوں کی تقریب میں شرکت کے لیے مریدکے کے نواحی گاؤں علی پور ٹبہ پہنچ گئے۔

تفصیلات کے مطابق گزشتہ روز مریدکے میں گورنر پنجاب چوہدری سرور نے پچیس اجتماعی شادیوں کی تقریب میں شرکت کی، اس موقع پر انھوں نے دلھنوں کو قرآن پاک اور انگوٹھی کا تحفہ دیا۔

چوہدری سرور نے کہا کہ ہر دلھن میری بیٹی، اور دلھا میرا بیٹا ہے، جو 50 مستحق بچیوں کی شادی کا بندوبست کریں گے، حکومت ان کے نیک کام میں پچاس فی صد مدد کرے گی۔ ہم گورنر ہاؤس میں بھی اجتماعی شادیوں کا اہتمام کر رہے ہیں۔

گورنر پنجاب نے اس موقع پر حالات حاظرہ پر بھی بات کی، انھوں نے کہا کہ ملک کی معاشی حالت ٹھیک ہو گئی ہے، وزیر اعظم کی ہدایت پر غریبوں کے لیے احساس پروگرام شروع کیا جا رہا ہے، احساس پروگرام کے تحت غریب کو آٹا، چینی، دالیں، گھی سستا اور مفت دیا جائے گا۔

قبل ازیں، مریدکے میں جب چوہدری سرور تقریب کے لیے پہنچے تو میزبانوں نے انھیں سفید پگڑی پہنائی، بینڈ باجوں اور پھولوں کی پتیاں نچاور کر کے ان کا استقبال کیا۔ تقریب میں ہر جوڑے کو ورک برادران کی جانب سے سوا لاکھ روپے مالیت کا جہیز کا سامان دیا گیا، باراتیوں کی بھی خوب تواضع کی گئی۔

Comments

یہ بھی پڑھیں