لاہور: گورنر پنجاب چوہدری سرور نے مسیحی برادری سے وعدہ کیا ہے کہ نوکریوں کے ساتھ تعلیم کی سہولیات بھی فراہم کریں گے ، حکومت کا مقصد اقلیتوں کا خیال رکھنا اور تمام تر حقوق دینا ہے۔
تفصیلات کے مطابق لاہورمیں پاسچر اینڈ چرچ لیڈرز کی کانفرنس کا انعقاد کیا گیا ، گورنر پنجاب چوہدری سرور نے کانفرنس سے خطاب میں کہا کہ پاکستان کی ترقی،خوشحالی میں مسیحی برادری کاکردارہے، قائداعظم نےخطاب میں تمام قومیتوں اور مذاہب کو مساوی حیثیت دی۔
چوہدری سرور کا کہنا تھا کہ عمران خان کی حکومت اقلیتوں کے حقوق کے تحفظ پریقین رکھتی ہے، اقلیتوں کو برابری کے حقوق دیے جائیں گے اور تمام یونیورسٹیوں میں اقلیتوں کے5 فیصد کوٹے کو یقینی بنایا جائے گا۔
گورنر پنجاب نے کہا کہ کرسچین ہمیشہ پاکستان کے مفاد کی جنگ لڑتے ہیں، آپ کے لئے گورنرہاؤس کے دروازے ہر وقت کھلے ہیں، احساس سمیت دیگرحکومتی اداروں میں اقلیتوں کو حصہ ملے گا۔
ان کا مزید کہنا تھا کہ ان کی حکومت کا مقصد بھی اقلیتوں کا خیال رکھنا پے اور پاکستان نے کرتارپور کا راستی کھول کر یہ ثابت کیا ہے کہ پاکستان اقلیتوں کے حقوق کا خیال رکھتا ہے۔
یاد رہے گورنر پنجاب چوہدری محمد سرور کا کہنا تھا کہ پاکستان میں اقلیتوں کو آزادی اور تحفظ کی دنیا میں کوئی مثال نہیں ہے۔
