The news is by your side.

Advertisement

‘کورونا کے باوجود پاکستان معاشی خوشحالی کی جانب گامزن’

لاہور:گورنرپنجاب چوہدری سرور کا کہنا ہے کہ کورونا کے باوجود پاکستان معاشی خوشحالی کی جانب گامزن ہوچکا ہےخوشحالی کی جانب گامزن ہوچکا ہے، وزیر اعظم مدینہ کی ریاست کے مشن میں کامیاب ہوں گے۔

تفصیلات کے مطابق گورنرپنجاب چوہدری سرور سےایڈوئزربرائےیوتھ افیئرزمیاں انس اسلم ڈولہ کی ملاقات ہوئی ، ملاقات میں چوہدری سرور نے کہا کہ وزیراعظم عمران خان جھکنے والا نہیں ہمیشہ ڈٹ جانیوالا لیڈر ہے ، ملکی سالمیت وخودمختاری کے تحفظ کوسو فیصد یقینی بنایاجائے گا۔

گورنرپنجاب کا کہنا تھا کہ پہلی باراقتدار نہیں ملک وقوم کو مضبوط، مستحکم بنانےپرکام ہورہاہے، وزیر اعظم مدینہ کی ریاست کے مشن میں کامیاب ہونگے، اپوزیشن کو بھی پتہ چل چکا ہے الیکشن اب2023 میں ہوں گے۔

انھوں نے مزید کہا کہ انتخابی اصلاحات کافیصلہ انتخابات کودھاندلی سےپاک کرناہے، کمزور طبقے کو اوپر لانے کیلئے حکومت عملی اقدامات کر رہی ہے ، احساس پروگرام نوجوانوں کے لیے تاریخی اورشاندارمنصوبہ ہے۔

چوہدری سرور کا کہنا تھا کہ کورونا کے باوجود پاکستان معاشی خوشحالی کی جانب گامزن ہوچکا ہے، آج پورے پاکستان میں یکساں ترقی کے منصوبے شروع ہیں۔

Comments

یہ بھی پڑھیں