لاہور: گورنر پنجاب سردار سلیم حیدر نے کہا ہے کہ اب وہ دن دور نہیں جب بلاول بھٹو پاکستان کے وزیراعظم بنیں گے۔
تفصیلات کے مطابق گورنر پنجاب نے اٹک غریبوال میں بے نظیر بھٹو کی 72 ویں سالگرہ کی تقریب سے خطاب میں کہا ہے کہ بلاول واحد پاکستانی لیڈر ہے جس نے دنیا میں جا کر مودی کو للکارا ہے۔
گورنر پنجاب کا کہنا تھا کہ دنیا بلاول بھٹو کی دلیری اور سنجیدگی سے متاثر ہوئی ہے، اب وہ دن دور نہیں جب بلاول پاکستان کے وزیراعظم بنیں گے۔
انہوں نے کہا کہ شہید بینظیر بھٹو کی کوشش کی بدولت ہم آج ٹیکنالوجی کی جنگ جیتے ہیں، چین سے تعلقات کی بنیاد شہید ذوالفقار علی بھٹو نے رکھی تھی۔
سربراہ پاکستانی سفارتی مشن بلاول بھٹو کی بریفنگ کے عالمی میڈیا میں چرچے
واضح رہے کہ پاکستان کے اعلیٰ سفارتی وفد کے سربراہ بلاول بھٹو زرداری امریکا اور یورپ کے دورے کے بعد گزشتہ دنوں رات واپس وطن پہنچیں ہیں، سربراہ پاکستانی سفارتی مشن بلاول زرداری نے امریکا، برطانیہ اور یورپی یونین کا اہم دورہ کیا، 11 دنوں میں 3 ممالک، 4 بڑے شہر اور 68 اہم سفارتی ملاقاتیں کیں۔
بلاول بھٹو زرداری نے پاکستان کا مؤقف امن، مسئلہ کشمیر، اور انڈس واٹر ٹریٹی پر مؤثر انداز میں دنیا کے سامنے رکھا۔
