ریاض : مقامی شہری کی جانب سے گورنر ریاض کو انوکھے تحفے کی پیشکش کی گئی جسے سن کر شہزادہ فیصل بن بندر مسکرائے بغیر نہ رہ سکے، ویڈیو سوشل میڈیا پر وائرل ہوگئی۔
تفصیلات کے مطابق سعودی عرب کے دارالحکومت ریاض کے گورنر شہزادہ فیصل بن بندر کی گاڑی کو ایک شہری نے نے رکوایا اور ان سے کہا کہ میرے پاس میرے پاس آپ کیلئے ایک ایک تحفہ ہے۔
شہری نے انہیں پہلے ایک فریم میں ایک قصیدہ پیش کیا پھر کہا آپ کے لیے اصل تحفہ ایک "باز” کا ہے۔ سعودی ذرائع ابلاغ کے مطابق گورنر ریاض نے شہری سے استفسار کیا کہ وہ تحفہ کہاں ہے؟
جس پر شہری نے جواب دیا کہ باز ابھی چھوٹا ہے اسے ذرا بڑا ہونے دیں، مقامی شہری نے فوراً ہی اپنے بیٹے کو جس کا نام سلمان تھا آواز دے کر طلب کیا اور گورنر ریاض سے اس کا تعارف کراتے ہوئے کہا یہ میرا بیٹا ہے اسے ملازمت چاہیے۔
شہری نے اپنے بیٹے کو آگے کرتے ہوئے "باز” کے طور پر گورنر ریاض کے سامنے پیش کیا، گورنر ریاض ساس شہری کی اس ذہانت پر مسکرائے اور اس کے بیٹے سے پوچھا کہ تمہاری تعلیمی قابلیت کیا ہے اور تم کیا کر سکتے ہو؟
جس پر نوجوان نے جواب کہ وہ شقرا یونیورسٹی میں کیمسٹری کا طالب علم ہے، گورنر ریاض نے اسے اطمینان دلایا کہ وہ اس کا مسئلہ حل کر دیں گے۔
