اسلام آباد : گورنرسندھ عمران اسماعیل اور وفاقی وزیر اطلاعات فواد چوہدری نے ناراض رہنما علیم خان وزیراعظم کا پیغام پہنچادیا۔
تفصیلات کے مطابق گورنرسندھ عمران اسماعیل اور وفاقی وزیر اطلاعات فواد چوہدری نے ناراض رہنما علیم خان سے ملاقات کی۔
ذرائع کا کہنا ہے کہ گورنرسندھ اورفواد چوہدری نے علیم خان کو وزیراعظم کا پیغام پہنچایا جبکہ علیم خان کو وزیراعظم سے ہونیوالی ملاقات سے بھی آگاہ کیا گیا۔
ذرائع کے مطابق علیم خان نے جہانگیر ترین سےمشاورت تک وقت مانگ لیا ہے۔
خیال رہے سابق سینئر صوبائی وزیرعبدالعلیم خان اسلام آباد میں موجود ہیں، جہاں سے وہ آج روانہ ہوں گے، ذرائع کا کہنا ہے کہ عبد العلیم خان لندن میں کل جہانگیر ترین سے ملاقات کریں گے، جس میں اہم سیاسی امورپرتبادلہ خیال ہوگا۔
اس سے قبل وزیراعظم عمران خان سے گورنر سندھ عمران اسماعیل اور وفاقی وزیر اطلاعات فواد چوہدری کی ملاقات ہوئی تھی۔
جس میں موجودہ سیاسی صورتحال، اپوزیشن جماعتوں کی تحریک عدم اعتماد، لانگ مارچ، اتحادی جماعتؤں سے تعلقات سمیت باہمی دلچسپی کے امور پر تبادلہ خیال کیا گیا۔
گورنر سندھ عمران اسماعیل نے وزیراعظم عمران خان کوعلیم خان سے ہونے والی اہم ملاقات سے متعلق آگاہ کرتے ہوئے جہانگیر ترین اور علیم خان کے تحفظات سے بھی آگاہ کیا۔
