The news is by your side.

گورنر سندھ نے ایم کیو ایم کے تمام مطالبات کو درست قرار دے دیا

کراچی : گورنر سندھ کامران ٹیسوری نے ایم کیوایم کے تمام مطالبات کی حمایت اور اسے درست قرار دیتے ہوئے کہا پیپلز پارٹی کو اپنے معاہدے پر من و عن عمل کرنا ہوگا۔

تفصیلات کے مطابق ایم کیو ایم وفد اور گورنرسندھ کامران ٹیسوری کے درمیان ملاقات ہوئی ، گورنر ہاؤس میں رات گئے ایم کیو ایم کے وفد سے ملاقات میں آج بلاول ہاؤس میں ہونے والی مشاورت پر گفتگو کی گئی۔

گورنرسندھ نے ایم کیو ایم کے تمام مطالبات کو درست قرار دیتے ہوئے کہا کہ حلقہ بندیاں، ووٹر لسٹوں کی درستگی اور آرٹیکل ایک سو چالیس اے پر عمل درآمد ضروری ہے۔

کامران ٹیسوری کا کہنا تھا کہ پیپلز پارٹی کو اپنے معاہدے پر من و عن عمل کرنا ہوگا اور معاہدے پر وفاقی حکومت کو بطور ضامن مؤثر کردار ادا کرنا ہوگا۔

ذرائع نے بتایا کہ اس سے قبل بلاول ہاؤس میں ایم کیوایم تحفظات سے متعلق اجلاس بے نتیجہ ختم ہوا جبکہ ایم کیو ایم کی جنرل ورکرز اجلاس میں تمام کارکنان اور ذمے داران کو لازمی پہنچنےکی ہدایت کی ہے۔

ذرائع ایم کیو ایم کا کہنا تھا کہ بلدیاتی امیدواروں کو بھی جنرل ورکرز اجلاس میں لازمی پہنچنے کی ہدایت کی گئی، کارکنان فیصلہ کریں گے حکومت میں رہ کر الیکشن لڑنا ہے یا باہرنکل کر۔

Comments

یہ بھی پڑھیں