The news is by your side.

Advertisement

گورنرنے’’سندھ ماس ٹرانزٹ اتھارٹی‘‘کے قیام کی منظوری دے دی

کراچی: گورنرسندھ ڈاکٹرعشرت العباد نے سندھ ماس ٹرانزٹ اتھارٹی کے قیام کی منظوری دے دی۔

تفصیلات کے مطابق گورنرسندھ ڈاکٹرعشرت العباد خان نے کراچی میں ماس ٹرانزٹ پروگرام کو مکمل کرنے کے لیے ایک بااختیار اور موثر کونسل بنانے کی منظوری دے دی ہے جسے ’’سندھ ماس ٹرانزٹ اٹھارٹی‘‘ کا نام دیا گیا ہے۔

گورنر سندھ کا کہنا ہے کہ یہ اتھارٹی سندھ میں ماس ٹرانزٹ پروگرام کے حوالے سے حکمت عملی کی تیاری اور اس پر عمل درآمد کرانے کی ذمے دار ہوگی۔

ذرائع کے مطابق سندھ ماس ٹرانزٹ اتھارٹی کے فرائض میں ماس ٹرانزت سے متعلق منصوبوں کی پلاننگ، تعمیر، نگرانی ،جانچ پڑتال اورانہیں با عمل رکھنا شامل ہے۔

اس کے علاوہ اتھارٹی ماس ٹرانزٹ منصوبوں میں گاڑیوں کی روانی کو برقرار رکھنے اور پروجیکٹ کے معیار کو برقرار رکھنے کے لیے قواعد بھی وضع کرے گی تا کہ منصوبے کو دیرپا اور مستحکم بنانے جانے کے عمل کو یقینی بنایا جا سکے۔

واضح رہے کہ کراچی کی آبادی میں مسلسل اضافے کے باعث نقل و حمل کے ذرائع مختصر ہوتے جارہے ہیں،ٹرانسپورٹ کی ناکافی سہولیات ہونے کے باعث شہریوں کو مشکلات کا سامنا ہے جس کے سدباب کے لیے کراچی ماس ٹرانزت پروگرام کو بحال کرنے کا فیصلہ کیا گیا تھا۔

 

Comments

comments

یہ بھی پڑھیں