The news is by your side.

Advertisement

کراچی میں لٹکتے بجلی کے تاروں کو ختم کریں گے، گورنر سندھ عمران اسماعیل

کراچی : گورنر سندھ عمران اسماعیل نے کہا ہے کہ کراچی میں لٹکتے تاروں کو ختم کریں گے، کرنٹ سے اموات کی بنیادی ذمہ داری کے الیکٹرک کی ہے۔

ان خیالات کا اظہار انہوں نے کراچی می پریس کانفرنس سے خطاب کرتے ہوئے کیا، ان کے ہمراہ پاکستان کیبل آپریٹرز ایسوسی ایشن کے چیئرمین خالد آرائیں بھی موجود تھے۔

گورنر سندھ نے صحافیوں سے گفتگو کرتے ہوئے کہا کہ کراچی کے عوام کو بہتر سہولتوں کی فراہمی پر کردار ادا کریں گے، کراچی کے اختیارات منقسم ہیں، بہتری ایک اتھارٹی سےآتی ہے۔

ان کا مزید کہنا تھا کہ بارشوں کے دوران بجلی کے کھمبوں سے کرنٹ سے اموات کی بنیادی ذمہ داری کے الیکٹرک کی ہے، کراچی میں لٹکتے تاروں کو ختم کریں گے۔

اس موقع پر خطاب کرتے ہوئے خالد آرائیں نے کہا کہ ہمارا کیبل آپٹیکل فائبرہوتا ہے اس میں کرنٹ نہیں ہوتا، کمشنر کراچی کے دفترمیں جو فیصلہ ہوا تھا کام اس کے برعکس ہوا، انہوں نے کہا کہ گورنر سندھ کے مشکور ہیں کہ انہوں نے ہماری آواز سنی۔

مزید پڑھیں: کراچی میں کرنٹ لگنے سے اموات کی رپورٹ آئی جی سندھ کو پیش

واضح رہے کہ صوبہ سندھ کے دارالحکومت کراچی میں بارشوں کے دوران کرنٹ لگنے سے ہونے والی اموات سے متعلق رپورٹ انسپکٹر جنرل (آئی جی) سندھ کو پیش کردی گئی ہے، رپورٹ میں کہا گیا ہے کہ کرنٹ لگنے سے13 افراد جاں بحق ہوئے، کے الیکٹرک کے خلاف دس مقدمات درج کیے گئے۔

Comments

comments

یہ بھی پڑھیں