گورنر سندھ کا بڑا اعلان: ایک سال کی تنخواہ ڈیم فنڈ میں عطیہ کریں گے -
The news is by your side.

Advertisement

گورنر سندھ کا بڑا اعلان: ایک سال کی تنخواہ ڈیم فنڈ میں عطیہ کریں گے

کراچی: سندھ کے گورنر عمران اسماعیل نے چیف جسٹس آف پاکستان کے قائم کردہ دیامر بھاشا ڈیم فنڈ میں اپنی ایک سال کی تنخواہ عطیہ کرنے کا اعلان کر دیا ہے۔

تفصیلات کے مطابق گورنر سندھ عمران اسماعیل نے میاں ثاقب نثار کی اپیل پر لبیک کہتے ہوئے ڈیم فنڈ کے لیے اپنی ایک سال کی تنخواہ وقف کر دی ہے، انھوں نے پانی کے مسئلے کو ملک کے بڑے مسائل میں سے ایک قرار دیا۔

عمران اسماعیل نے کہا کہ پاکستان کو در پیش چیلنجز میں پانی ایک بڑا مسئلہ ہے، پانی کے اس مسئلے کا حل نکالنا بہت ضروری ہے۔

گورنر سندھ کا کہنا تھا کہ پاکستان میں آبی قلت سے پہلے ڈیمز کی تعمیر ضروری ہے۔ انھوں نے چیف جسٹس کی کوششوں کو سراہتے ہوئے اپنی ایک سال کی تنخواہ ڈیم فنڈ میں عطیہ کر دی۔

واضح رہے کہ گزشتہ روز وزیرِ اعظم عمران خان نے پارٹی رہنماؤں کو ڈیم فنڈ ریزنگ کے لیے ٹاسک دے دیا ہے، ہدایت کے مطابق امریکی، یورپی ممالک میں فنڈ ریزنگ کے لیے پارٹی رہنما رابطے کریں گے۔


مزید پڑھیں:  ڈیم فنڈ ریزنگ کے لیے وزیراعظم نے پارٹی رہنماؤں کو ٹاسک دے دیا


ذرائع کے مطابق اوورسیز پاکستانیوں سے فنڈ ریزنگ کے لیے سینیٹر فیصل جاوید امریکا جائیں گے، پارٹی رہنماؤں کی جانب سے وزیرِ اعظم کو بریفنگ میں بتایا کہ امریکا میں مقیم پاکستانی ڈیم فنڈ کے لیے اربوں کا تعاون کرسکتے ہیں۔

Comments

comments

یہ بھی پڑھیں