site
stats
پاکستان

تعلیم کے شعبے کو بہترین بنانے کے لیے اقدامات جاری ہیں، گورنرسندھ

کراچی: گورنر سندھ محمد زبیر نے کہا کہ تعلیم کے بغیر معاشرہ ترقی نہیں کرسکتا تعلیمی میدان میں ترقی سے ہی معاشی و اقتصادی میدان میں ترقی حاصل کی جاسکتی ہے، تعلیم کو عصر حاضر کے مطابق ڈھالنے کے لیے اقدامات کیے جارہے ہیں۔

انسٹیٹیوٹ آف بزنس ایڈمنسٹریشن (آئی بی اے) میں فارغ التحصیل طالب علموں کے سالانہ ڈنر میں گفتگو کرتے ہوئے گورنر سندھ نے کہا کہ طالب علمی کا زمانہ سنہری دور ہے اور یہ انسان کو ہر عمر میں بہت یاد آتا ہے۔ انہوں نے اپنی گفتگو میں طالب علمی کے زمانے کی کچھ یادیں بھی بیان کیں، محمد زبیر نے کہا کہ طالب علم اساتذہ کی محنت سے ہی نمایاں مقام تک پہنچنے میں کامیاب ہوتے ہیں۔

گورنر سندھ نے کہا کہ حکومت تعلیم کے فروغ کے لئے ہر ممکن وسائل بروے کار لارہی ہے اس ضمن میں پرانے اسکولوں کی ازسرنو تعمیر اور نئے اسکولوں کے قیام کے لئے بھی اقدامات اٹھائے جارہے ہیں جبکہ اعلیٰ تعلیم کو بھی عصر حاضر کے مطابق فروغ دینے کے لئے اقدامات کئے جارہے ہیں۔

انہوں نے کہا کہ اقوام کی ترقی تعلیم بالخصوص اعلیٰ تعلیم سے ہی ممکن ہے، اس کو حاصل کرنے کے بعد تحقیق کے ذریعے ہی منزل کی جانب سفر کرنا ممکن ہوتا ہے، طالب علم آج ملک سمیت دنیا بھر میں اہم عہدوں پرتعینات ملک و قوم کا نام روشن کر رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top