کراچی: گورنر سندھ محمد زبیر نے چینی قونصل جنرل وانگ یو سے ملاقات کی ، ملاقات میں چینی قونصل جنرل کا کہنا ہے کہ سی پیک سے پاکستان تیز رفتار ترقی کے دور میں داخل ہوگا۔
تفصیلات کے مطابق گورنر سندھ محمد زبیر کی چینی قونصل جنرل وانگ یو سے ملاقات ہوئی ، ملاقات میں گورنر سندھ کا کہنا تھا کپ چینی سرمایہ کاروں کو ہر ممکن سیکیورٹی فراہم کریں گے، سی پیک دونوں ممالک کی ترقی وخوشحالی کا منصوبہ ہے۔
گورنر سندھ نے کہا کہ سرکلرریلوے کی سی پیک میں شمولیت سے جلد تکمیل میں مدد ملے گی، پاک چین دوستی میں وقت کیساتھ ساتھ مزید اضافہ ہورہا ہے۔
انکا مزید کہنا تھا کہ کراچی ملک کا معاشی حب ہے، کراچی میں سرمایہ کاری کیلئے فضا نہایت سازگار ہے، وزیر اعظم اقتصادی شعبے پر خصوصی توجہ دے رہےہیں، وزیراعظم کی پالیسیوں کے باعث سرمایہ کاری کے نمایاں مواقع پیدا ہوئے۔
ملاقات میں چینی قونصل جنرل نے کہا کہ سی پیک سے پاکستان تیز رفتار ترقی کے دور میں داخل ہوگا۔
