کراچی : گورنرسندھ محمد زبیرکا کہنا ہے الیکشن میں ٹرن آؤٹ اچھا نظر آرہا ہے تاہم کون جیتے گا یہ کہنا قبل ازوقت ہوگا۔
تفصیلات کے مطابق گورنرسندھ محمد زبیر نے ڈی ایچ اے اسکول کراچی میں ووٹ کاسٹ کرنے کے بعد میڈیا سے گفتگو کرتے ہوئے کہا کہ کراچی میں کسی ایک جماعت کا زورنہیں، مقابلہ سخت ہے۔
گورنرسندھ محمد زبیر کا کہنا تھا کہ سیکیورٹی ادارے خدمات بھرپورطریقے سے انجام دے رہے ہیں۔
الیکشن 2018 میں ٹرن آؤٹ سے متعلق گورنرسندھ کا کہنا تھا کہ اچھا ٹرن آؤٹ نظرآرہا ہے، لوگ گھروں سے نکلے ہیں۔
دوسری جانب یورپی یونین کے وفد نے چیف آبزرورمائیکل گیلرکی قیادت میں این اے 53 اسلام آباد کے پولنگ اسٹیشن کا دورہ کیا۔
مائیل گیلرکا کہنا تھا کہ پاکستانی عوام میں کافی جوش وجذبہ ہے اور اہم الیکشن کمیشن کے انتظامات سے کافی مطمئن ہیں۔
عام انتخابات 2018 کے لیے پولنگ کا عمل شروع
واضح رہے کہ پاکستان کے گیارہویں عام انتخابات کے لیے ملک بھر میں پولنگ کا آغاز ہوگیا جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔
انتخابی عمل کے دوران حفاظتی اقدامات کے پیش نظر3لاکھ 70 ہزار فوجی جوان جبکہ ساڑھے چار لاکھ پولیس اہلکار تعینات ہیں، 17 ہزار سے زائد پولنگ اسٹیشنزکوانتہائی حساس قرار دیا گیا ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
