جامشورو: گورنر سندھ کامران ٹیسوری کا کہنا ہے کہ میرے پاس پورے اختیارات ہیں اور میں نے پُل کا کردار ادا کرنے کی ٹھان لی ہے۔
گورنر سندھ کامران ٹیسوری نے سیہون شریف آمد کے موقع پر درگاہ لعل شہباز قلندر پر حاضری دی اور میڈیا سے گفتگو میں کہا کہ سندھ میں اختیارات کی کوئی جنگ نہیں چل رہی، اختیارات سب کے پاس ہیں اور کام کرنے کے لیے کوشش جاری ہے، میں نے کبھی نہیں کہا کہ گورنر کے پاس اختیار نہیں ہیں۔
Governor Sindh Kamran Khan Tessori visited dargah Hazrat Lal Shahbaz Qalandar at Sehwan, laid floral wreath and offered fsteha pic.twitter.com/TLl8x8Dj5y
— Press Secretary to Governor Sindh (@psec_governor) December 30, 2022
یہ بھی پڑھیں: گورنر سندھ نے اپنی جان کو لاحق خطرے کا خدشہ ظاہر کر دیا
ٹیکنوکریٹ حکومت سے متعلق گورنر سندھ نے کہا کہ ٹیکنوکریٹ ہوں یا جمہوری حکومت عوام کی بہتری کے لیے کام کرنا چاہیے، وقت گزرنے کے بعد الزام ٹیکنوکریٹ یا جمہوری حکومت پر ڈال کر بچا نہیں جا سکتا۔
انہوں نے انہوں نے کہا کہ عوام آج بھی گیس بجلی پانی اور راستوں کے لیے ترس رہے ہیں، ملک بنے 75 سال ہوگئے لیکن شہری علاقے دیہات کا منظر پیش کر رہے ہیں۔
ان کا کہنا تھا کہ عوام میں رہ کر سندھ بھر میں جا رہا ہوں، سیلاب متاثرین کی مالی معاونت کے لیے سماجی تنظیم بھی ساتھ دے رہی ہے۔
