کراچی: گورنر استیٹ بینک جمیل احمد کا کہنا ہے کہ آئی ایم ایف کے ساتھ اسٹاف لیول معاہدہ جلد طے پاجائے گا۔

گورنر اسٹیٹ بینک جمیل احمد نے پی اے سی اجلاس کے بعد میڈیا سے غیر رسمی گفتگو کرتے ہوئے کہا کہ آئی ایم ایف کے ساتھ ورچوئل بات چیت چل رہی ہے، رواں مالی سال کے لیے ترسیلات زر کا ہدف 36 ارب ڈالر ہے۔

انہوں نے بتایا کہ رواں مالی سال کے لیے ترسیلات زر کا ہدف بڑھایا گیا ہے، رواں مالی سال کے دوران 2.8 فیصد سے زائد جی ڈی پی گروتھ کی توقع ہے۔

جمیل احمد نے کہا کہ رواں مالی سال کے لیے کرنٹ اکاؤنٹ خسارے کا ہددف بھی کم کیا گیا، رواں مالی سال کے دوران مہنگائی کی شرح 7 سے 8 فیصد رہ سکتی ہے۔