The news is by your side.

Advertisement

وزیر اعظم کو بتا دیا سندھ میں آئی جی کی تبدیلی ناگزیر ہو چکی: گورنر

کراچی: گورنر سندھ عمران اسماعیل نے کہا ہے کہ انھوں نے آج وزیر اعلیٰ سندھ مراد علی شاہ کو بھی آئی جی سندھ سے متعلق ایک خط لکھ دیا ہے، وزیر اعظم عمران خان کو بھی بتا چکا ہوں کہ سندھ میں آئی جی مشتاق مہر کی تبدیلی ناگزیر ہو چکی ہے۔

اے آر وائی نیوز کے مطابق گورنر سندھ عمران اسماعیل نے میڈیا سے گفتگو کرتے ہوئے کہا کہ پارلیمنیٹرین آئی جی سندھ سے نالاں ہیں، اس سلسلے میں آج وزیر اعلیٰ سندھ کو خط لکھا ہے اور جواب کا انتظار ہے۔

گورنر سندھ نے کہا میں نے اپنا آئینی حق استعمال کرتے ہوئے وزیر اعلیٰ سندھ سے مکمل رپورٹ مانگی ہے، امید ہے مراد علی شاہ جلد مجھے خط کا جواب دیں گے، وزیر اعلیٰ کی رپورٹ پر میں وزیر اعظم کو مکمل ثبوت کے ساتھ بریف کروں گا۔

عمران اسماعیل نے کہا وزیر اعظم کو بتا دیا ہے کہ سندھ میں آئی جی کی تبدیلی ناگزیر ہو چکی ہے، صوبے میں گورنر راج کا کوئی امکان نہیں ہے، وزیر اعظم نے کبھی اس حوالے سے کوئی بات نہیں کی۔

حلیم عادل شیخ کا معاملہ، وفاقی حکومت کا آئی جی سندھ کی تبدیلی پر غور شروع

انھوں نے کہا سیاست میں الزامات لگتے رہتے ہیں، سیف اللہ ابڑو کو ٹکٹ پارلیمانی بورڈ نے دیا ہے، جس کی سربراہی وزیر اعظم نے خود کی تھی، لیاقت جتوئی سے میں خود بات کروں گا۔

گورنر سندھ نے مزید کہا سیف اللہ ابڑو کا تعلق پس ماندہ علاقے سے ہے، ہم نے لاڑکانہ کو سیف اللہ ابڑو کی صورت میں سینیٹ میں نمائندگی دی، تاہم لیاقت جتوئی کے الزامات کی تحقیقات ہونی چاہیے۔

Comments

یہ بھی پڑھیں