وفاقی حکومت کا پیمرا اور پریس کونسل کوختم کرنے کا فیصلہ
The news is by your side.

Advertisement

وفاقی حکومت کا پیمرا اور پریس کونسل کوختم کرنے کا فیصلہ

اسلام آباد : وفاقی حکومت نے پیمرا اور پریس کونسل کو ختم کرنے کا فیصلہ کرلیا ہے، وزیراطلاعات کا کہنا ہے پیمرا کو ختم کرکے پاکستان میڈیا ریگولیٹری اتھارٹی بنائیں گے، پاکستان میڈیا ریگولیٹری اتھارٹی ہر قسم کے میڈیا پر نظر رکھے گی۔

تفصیلات کے مطابق وزیراطلاعات فواد چوہدری نے پریس کانفرنس کرتے ہوئے کہا کہ ایوان کو عزت دینے کے لئے عمران خان پہلے دن سے موجود رہے، اپوزیشن کی جانب سے آج سینیٹ سے واک آؤٹ کیا گیا، اپوزیشن کا رویہ ایوان کی کارروائی چلانے سے متعلق منفی ہے، نوازشریف ایوان میں تشریف نہیں لاتے تھے۔

وزیراطلاعات کا کہنا تھا فضل الرحمان نے کہا پارلیمنٹ بوگس اور ووٹ جعلی ہیں، آج فضل الرحمان اسی پارلیمنٹ سے صدرمنتخب ہوناچاہتےہیں، ایوان کی ایک روز کی کارروائی پرل اکھوں روپے خرچ ہوتےہیں، اپوزیشن کا سینیٹ اجلاس سے واک آؤٹ غیر سنجیدہ عمل ہے، حکومت ملک کے بڑے مسائل حل کرنا چاہتی ہے، دیکھ رہے ہیں فضل الرحمان اور ان کی پارٹی کتنی سنجیدہ ہے۔

فواد چوہدری نے کہا پارلیمان کی کارروائی سرکاری ٹی وی پربراہ راست آئے گی، پیمرااورپریس کونسل کوختم کرنے کا فیصلہ کیاہے، پیمرا کو ختم کرکے پاکستان میڈیاریگولیٹری اتھارٹی بنائیں گے، پاکستان میڈیا ریگولیٹری اتھارٹی ہر قسم کے میڈیا پر نظر رکھے گی اور اس میں تمام اتھارٹیز کا انضمام کیا جائے گا۔

ان کا کہنا تھا کہ سرکاری ٹی وی میں سینسرشپ ختم کردی،جلد تبدیلی نظرآئے گی ، پی ٹی وی نیشنل کوپی ٹی وی سیاست کےنام سےتبدیل کررہےہیں، ایک ہی اتھارٹی پرنٹ، الیکٹرانک اورسوشل میڈیا کو دیکھے گی۔

وزیراطلاعات نے کہا کہ ماضی میں وفاقی حکومت نے 17ارب اشتہارات پرخرچ کئے، اشتہارت کے معاملات سے متعلق رجوع کمیٹی بنائی ہے، عمران خان نے پابندی لگا دی ہے، ذاتی تشہیر کیلئے قومی خزانہ خرچ نہیں ہوگا۔

عامر لیاقت کے بیان کے حوالے سے فواد چوہدری کا کہنا تھا کہ عامرلیاقت کی بات پر کیا کمنٹ کروں خدا سب کو ہدایت دے۔

صدارتی امیدوار سے متعلق انھوں نے کہا اعتزازاحسن اہم شخصیت ہیں لیکن عارف علوی ہمارے امیدوارہیں، صدارتی انتخاب میں عارف علوی کوکوئی چیلنج نہیں ہے۔

ان کا مزید کہنا تھا کہ نوازشریف کوکیوں لایا جاتا ہے ان کا ٹرائل تو جیل میں آرام سے ہوسکتا ہے۔

Comments

comments

یہ بھی پڑھیں