The news is by your side.

Advertisement

موسمِ سرما کی تعطیلات کا اعلان

کراچی: حکومت سندھ نے صوبے بھر میں موسمِ سرما کی تعطیلات کا اعلان کردیا۔

تفصیلات کے مطابق محکمہ تعلیم کی جانب سے موسمِ سرما کی تعطیلات کا نوٹی فکیشن بدھ کے روز جاری کیا گیا جس کے مطابق تمام سرکاری اورپرائیوٹ تعلیمی ادارے 22 تا 31 دسمبر تک بند رہیں‌گے۔

نوٹی فکیشن کے مطابق تمام تعلیمی ادارے 10 روز بعد یکم جنوری سے اپنے معمول کے مطابق کھلیں گے۔

محکمہ تعلیم کی جانب سے جاری نوٹی فکیشن کے مطابق تعلیمی کمیٹی نے فروری 2018 میں موسمِ سرما کی تعطیلات کا فیصلہ کیا تھا جس کو مدنظر رکھتے ہوئے 22 دسمبر سے 31 دسمبر تک چھٹیاں دی گئیں۔

دوسری جانب خیبرپختونخواہ کے محکمہ تعلیم نے میدانی علاقوں میں دس روز جبکہ پہاڑی علاقوں میں موجود اسکولز و کالجز میں 22 دسمبر تا 28 فروری تک چھٹیاں دینے کا اعلان کردیا۔

یاد رہے کہ ملک کے تمام صوبوں میں ہر سال موسمِ سرما میں 10 روز کی سرکاری چھٹیاں دی جاتی ہیں، ان تعطیلات کا مقصد طالب علموں کو سردیوں میں پیش آنے والی مشکلات سے محفوظ رکھنا ہے۔

Comments

comments

یہ بھی پڑھیں