اسلام آباد: حکومت نے کے الیکٹرک کے ساتھ معاہدے کو ازسرنو طے کیے جانے کا فیصلہ کرلیا،معاہدے کا مسودہ گزشتہ ماہ ای سی سی نے منظور کیا تھا۔
تفصیلات کے مطابق کے الیکٹرک کے ساتھ معاہدے کو ازسرنو طے کیے جانے کا فیصلہ کرلیا گیا، ذرائع نے بتایا کہ کے الیکٹرک اور حکومت کےدرمیان معاہدے کے مسودے میں پیش رفت ہوئی۔
ٹیرف ڈیفرنشل سبسڈی کے معاہدے کا مسودہ گزشتہ ماہ ای سی سی نے منظور کیا تھا، معاہدے کے مسودے پر وزارت قانون سے بھی مشاورت کی ہدایت کی تھی۔
ذرائع نے کہا کہ وزارت قانون نے سبسڈی کے معاہدے کے قانونی نکات کا جائزہ لیا اور معاہدے کے مسودے کو قانونی قرار دیکر منظوری دے دی۔
ذرائع کا کہنا تھا کہ کے الیکٹرک کیساتھ معاہدہ 2016 سے منسوخ ہوکر عارضی تھا، کے الیکٹرک کیساتھ حکومت کا معاہدہ طے پانے سے غیرملکی سرمایہ کاری بڑھےگی۔
معاہدے سے توانائی شعبے کا گردشی قرضہ سرکلر ڈیٹ کم کرنے میں مدد ملے گی۔
