جمعہ, جولائی 19, 2024
اشتہار

پاسپورٹ بنوانے والوں کے لئے بڑی خوشخبری

اشتہار

حیرت انگیز

اسلام آباد: حکومت کے فیصلے سے پاسپورٹ بنوانے والوں کی بڑی مشکل آسان ہوگئی ، ملک بھر میں گزشتہ ایک سال سے پاسپورٹس کی پرنٹنگ تاخیر کا شکار ہے۔.

تفصیلات کے مطابق ملک بھر میں پاسپورٹس بحران کے خاتمے کیلئے اقدامات تیز کردیے گئے ، حکومت نے پاسپورٹ  بنوانے میں پیش آنے مشکلات کو ختم کرنے کے لیے اہم فیصلہ کرلیا۔

حکومت نے پاسپورٹس پرنٹ کرنیوالی نئی مزید مشینیں منگوانے کا فیصلہ کرلیا ہے ، اس سلسلے میں ڈی جی پاسپورٹس اینڈامیگریشن نے ریکوزیشن تیار کرکے وزارت داخلہ کوارسال کردی ہے۔

- Advertisement -

حکام کا کہنا ہے کہ نئی مشینوں میں 6 ڈیسک ٹاپ ،2 ای پاسپورٹس مشینیں منگوائی جائیں گی، نئی مشینیں 1گھنٹے میں ایک ہزار پاسپورٹس پرنٹ کی صلاحیت رکھتی ہیں۔

خیال رہے ملک بھر میں گزشتہ ایک سال سے پاسپورٹس کی پرنٹنگ تاخیر کا شکار ہے، پاسپورٹس میں تاخیرکی وجوہات کاغذکی کمی اور مشینریوں کی کم استعداد کار تھی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں