The news is by your side.

Advertisement

بیرون ملک پھنسے پاکستانی محنت کشوں کی وطن واپسی سے متعلق بڑا فیصلہ

اسلام آباد : بلوچستان کے 2ہزارسے زائد محنت کشوں کو فوری وطن واپس لانے کا فیصلہ کرلیا گیا، اس حوالے سے معاون خصوصی زلفی بخاری نے خصوصی فلائٹ آپریشن کے انتظامات کر لیے۔

تفصیلات کے مطابق بیرون ملک پھنسے پاکستانی محنت کشوں کی وطن واپسی کے آپریشن میں تیزی آگئی، بلوچستان کے 2ہزارسے زائد محنت کشوں کو فوری وطن واپس لانے کا فیصلہ کرلیا گیا۔

معاون خصوصی زلفی بخاری نے خصوصی فلائٹ آپریشن کے انتظامات کر لیے، جس کے مطابق ائیر عربیہ کی خصوصی پرواز پاکستانی محنت کشوں کو لے کر آج کوئٹہ پہنچے گی، وزارت خارجہ اور سفارتخانے کے تمام عملے کو سہولتیں فراہم کرنے کی ہدایت کردی ہے۔

وزیراعلیٰ بلوچستان نے زلفی بخاری سے پھنسے مزدوروں کی جلدواپسی کی درخواست کی تھی، جس پر زلفی بخاری نے ذاتی کوششوں سے بروقت اقدامات مکمل کر لیے۔

معاون خصوصی زلفی بخاری نے وزیر اعلیٰ بلوچستان جام کمال کو جوابی خط میں کہا کہ اوورسیزپاکستانیوں کی محفوظ واپسی وزیراعظم کی ترجیحات میں شامل ہے، خصوصی درخواست پر بلوچستان کے شہریوں کی واپسی شروع کردی گئی ہے۔

زلفی بخاری کا کہنا تھا کہ خصوصی چارٹرڈ پرواز آج دبئی سے پاکستان پہنچ رہی ہے، پاکستانی محنت کشوں کی واپسی کو ذاتی طور پر مانیٹر کر رہا ہوں، آخری پاکستانی کی واپسی تک بلا تعطل آپریشن جاری رکھا جائے گا۔

Comments

یہ بھی پڑھیں