اسلام آباد : فرسٹ ویمن بینک متحدہ عرب امارت کی حکومت کو فروخت کرنے کا فیصلہ کرلیا گیا، متحدہ عرب امارات کو فرسٹ ویمن بینک بین الحکومتی بنیادپر براہ راست فروخت کیا جائے گا۔
تفصیلات کے مطابق وفاقی حکومت نے فرسٹ ویمن بینک متحدہ عرب امارت کی حکومت کو فروخت کرنے کا فیصلہ کرلیا۔
یواےای کی رضامندی ملنے پر فرسٹ ویمن بینک کے 82 فیصدشیئرز فروخت کرنے کا فیصلہ کیا گیا ، متحدہ عرب امارات کوفرسٹ ویمن بینک بین الحکومتی بنیادپر براہ راست فروخت کیا جائے گا۔
فروخت کے بعد اسٹیٹ بینک فرسٹ ویمن بینک کو نیا لائسنس جاری کرے گا۔
فرسٹ ویمن بینک کی قیمت طے کرنےاور معاہدے کو حتمی شکل دینےکیلئے 8 رکنی کابینہ کمیٹی قائم کرنے کا فیصلہ کیا گیا ہے۔
.
کابینہ کمیٹی کا اہم اجلاس آج طلب کیا گیا ہے ، جس میں اہم فیصلوں کی منظوری دی جائے گی، نجکاری کےبعد خواتین کو مالی سپورٹ فراہم کرنا بینک کی اولین ذمہ داری ہوگی، 2015 سےفرسٹ ویمن بینک کی نجکاری کی کوششیں جاری تھیں۔
