The news is by your side.

Advertisement

حکومت کا انتخابی اصلاحات جلد مکمل کرنے کا فیصلہ

اسلام آباد: حکومت نے انتخابی اصلاحات جلد مکمل کرنے کا فیصلہ کرلیا ہے جب کہ آرٹیکل 63 اے پر سپریم کورٹ کے فیصلے کے قانونی رائے بھی لی جائے گی۔

اے آر وائی نیوز کے مطابق ذرائع کا کہنا ہے کہ وزیر اعظم شہباز شریف کی زیرِ صدارت حکومتی اتحاد اور سینئر رہنماؤں کا اجلاس ختم ہوگیا جس کے بعد  پیپلز پارٹیی کے شریک چیئرمین آصف علی زرداری اور پی ڈی ایم کے سربراہ مولانا فضل الرحمان وزیر اعظم ہاؤس سے روانہ ہوگئے۔

اجلاس میں حکومتی اتحادیوں نے سپریم کورٹ کے فیصلے پر مشاورت کی۔ سپریم کورٹ کے فیصلے پر فوری قانونی رائے لینے کا فیصلہ کیا گیا۔

ذرائع کا کہنا ہے کہ اجلاس میں انتخابی اصلاحات جلد مکمل کرنے کا فیصلہ بھی کیا گیا۔

اجلاس میں وزیر اعظم شہباز شریف کو اتحادیوں کی جانب سے مشورہ دیا گیا کہ معیشت کے استحکام کے لیے فوری اقدامات کیے جائیں، روپے کی قدر کے لیے معاشی ٹیم فوری اقدامات کرے۔

ذرائع کے مطابق اتحادی رہنماؤں نے سخت فیصلوں پر ساتھ دینے کی یقین دہانی کرا دی۔ اجلاس میں فیصلہ کیا گیا کہ پنجاب میں سیاسی بحران سے نمٹنے کے لیے تیار ہیں۔

Comments

یہ بھی پڑھیں